Beinvegni

sin la pagina d'internet dall'JO Breil-Vuorz!

L'organisaziun giuvenila JO Breil-Vuorz promova il sport d'unviern e la collegialitad tier la giuventetgna cun porscher instrucziun da skis, snowboard e cuorsa liunga. La confederaziun sustegn la purschida finanzialmein entras Giuventetgna e Sport. La JO dumbra rodund 70 affons, ils quals che vegnan menai da circa 20 menders e menaderas. 

Als affons e giuvenils vulien nus porscher 

·      ina buna occupaziun dil temps liber

·      destadar il plascher per il sport da skis e snowboard

·      migliurar la constituziun corporala

·      instruir la nova tecnica da ir cun skis, snowboard ni cuorsa liunga

·      promover il spert da gruppa e collegialitad

·      prestar ina activa contribuziun tier la promoziun da giuvenils el sport

Premissas per ils participonts e participontas

·       separticipar regularmein al trenament

·       semenada parallela per ils participonts da skis

·       saver far midadas da direcziun per ils participonts da snowboard

·       esser sur sesez suenter l'instrucziun

·       segirada ei caussa dils geniturs

Per damondas stattan ils caus dall'JO bugen a disposiziun

JO en general                Rahel Cathomas, 079 444 44 29

Gruppa da cuorsa         Casper Elvedi, 079 290 39 79

Gruppa allround            Giulia Cathomen, 079 318 44 28 

                                        Valeria Cathomen, 079 197 04 72